邊玩邊學數學 愈玩愈叻 (數學教學平台長文分享)

疫情時候我家海馬仔所有都轉哂網上學習，媽媽我都花咗一輪功夫去篩選幫助海馬仔學習嘅老師同教材，在云云眾多平台中，有冇啲又抵又好玩又學習題目多元化嘅平台介紹呢？

 

有呀，有呀！今篇文章就是想親身分享一個線上數學練習平台，真係好幫到手！

話說海馬仔這半年開始對數學愈來愈有濃厚嘅興趣，如果無時間同佢玩不同嘅數學問題，佢就會走咗去睇卡通片⋯於是我上網搵到KooBits，第一個吸引嘅地方係佢可以免費試玩7天，媽媽我就可以睇吓小朋友係唔係真係有興趣用和玩先買啦！

 

KooBits 係新加坡最受歡迎的數學練習平台，超過50%新加坡小學在用！KooBits 提倡用嶄新嘅模型思考法幫助小朋友學懂獨立解題，平台上嘅數學內容有涵蓋晒P.1-P.6香港教育局數學課程和國際接軌的數學課程，更可選中或英語教學，自行選擇小朋友最合適的學習語言，可以隨時練現有年級、練習之前年級打番好數學根基或預先練定更高年級嘅數學又得！一次訂閱即可以練習各種在書局買到的相似補充練習，但功能上好過傳統補充練習好多!

 

平台上都好多功能，我最喜歡：

1. 動畫解題目

 

以解題動畫 —》解釋複雜的數學概念

以遊戲 —》將抽象概念形象化

學數學變得有趣好多！

 

2.儲KoKo積分玩遊戲

每日登入平台做練習可獲取KoKo積分，小朋友用積分可以去Brain Games玩遊戲，遊戲種類繁多，總有一款小朋友好喜歡玩！

 

點樣可以儲到積分？

做練習、每日check-in平台⋯好多方法，所以好大動力和樂趣俾小朋友學數學，「邊玩邊學」，輕鬆提升數學知識！家長不用時刻嘮叨小朋友反覆操練補充練習，海馬仔都變得自動自覺學習，提升自學、自信能力!

 

咁小朋友咪不停做練習就可以不停玩？

咁又唔會，每日小朋友限制咗只可以玩遊戲25分鐘或者用晒積分就冇得玩啦，所以唔使擔心小朋友會玩得太耐！

 

3. 無限制重溫舊有知識和學習新知識

小朋友和爸媽可按自己嘅學習計劃，隨意選擇學習嘅內容。例如：海馬仔學緊三個位嘅加數，未讀緊小二都可以越級挑戰小二或者小三嘅數學題目，又或者可隨時重溫返shapes的認知！

 

4.自定作業

以前未認識呢個平台，媽媽我夜晚要上網左搵右搵一啲唔同嘅數學練習俾海馬仔，但而家就超級方便，入去平台就可以隨時「創建個性化作業」俾小朋友，自由選擇想放入練習嘅題目，做完練習系統會自動校對每一個答案，仲可以設定要完成練習嘅日期添，非常方便！

 

5. 家長App追蹤進度

另外有個家長手機程式，爸媽可以在App內睇到小朋友的學習進度，APP仲會幫家長分析小朋友強弱項！

 

試咗一個星期後，我哋都參加咗一年計劃！

媽媽我覺得平台教學模式除咗切合到香港課程嘅學習範圍，功能上也好全面，無需費力向孩子們解釋數學概念，幫到海馬仔在屋企都學到和鞏固很多數學知識！

 

而海馬仔好樂意於平台上學習更多的數學知識，應該是因為學完又有得玩吧！

 

有興趣不妨試用一下再決定參加一年計劃呀～: https://bit.ly/3LckmBn

 

#KooBits #數學學習平台 #新加坡 #小學 #升小 #數學練習平台 #升級版補充練習

 BB生日蛋糕

上星期弟弟生日，之後又打1歲針，再忙忙碌碌海馬仔網課，話咁快又一星期！

介紹返整俾弟弟嘅BB生日蛋糕先! 
自己整俾BB嘅蛋糕真係一份好好嘅禮物!
因為佢好為食, 追住我俾佢食！

我本來諗住味道應該好淡口，咦，大人嘅我都覺得幾好味喎! 同埋唔怕食埋啲cream，因為係低卡乳酪!

所以打埋食譜分享俾
各位有興趣整蛋糕俾BB嘅媽媽/爸爸~
記得
。
。
。
首先要BB對蛋和乳酪都無敏感，咁就可以試啦

 

#以上分享都係個人照顧BB記錄
#每個BB嘅加固方法和進度都有唔同
#純粹作參考 #海馬弟弟 #加固日記 #12m
#肥嘟嘟 #開心寶寶 #二寶媽媽 #生日蛋糕 #生日

 

材料

士多啤梨 8粒（原粒）

士多啤梨 5粒（切碎）

希臘乳酪 2杯

 

蛋白 5隻

糖 40g

奶 60g （奶粉開嘅奶 都可以）

 

蛋黃 5隻

低筋麵粉 80g

油 45g

 

6吋 圓形蛋糕模

 

 

1.將雞蛋的蛋黃蛋白分開，容器無水無油，蛋白不能沾有蛋黃

2.蛋黃加入油攪拌均勻，篩入低粉後刮到無粉無顆粒

3. 蛋白分3次加入糖打發到濕性發泡

4. 挖一半蛋白過來蛋黃糊混合好（但要輕手，以防翻拌次數太多導致消泡），然後將蛋黃糊倒入剩餘的蛋白裏面攪拌到均勻

5. 6寸模具包上錫紙3層，將蛋糊倒入模具震走大氣泡，放入裝了一半水的水盤，一同放入焗爐

 

焗爐120度 30分鐘

焗爐140度 30分鐘

焗爐180度 15分鐘

 

6.出爐後震兩下立刻倒扣1小時，完全冷卻就可輕鬆脫模

 

7.切好士多啤梨粒備用。另外蛋糕橫切一半（蛋糕面我會切平，切走嘅部份就自己食），喜歡嘅就可以將蛋糕切成心形/方形，好隨意

8.在其中一片蛋糕上，搽上薄薄一層乳酪，再放上士多啤梨粒，之後就放上另外一片蛋糕上去。在整個蛋糕搽上乳酪，搽完之後在蛋糕面放上原粒士多啤梨做裝飾（士多啤梨可切平以便立直放上蛋糕面）

9.放雪櫃一小時後即可享用

 

 一個Purple Breakfast - 紫色藍莓麵包

一個Purple Breakfast, 製造美麗嘅一天!

 

買咗盒藍莓，唔想整muffin，只想整麵包！咁我就試吓先整 #自製藍莓醬，將一半醬放入麵糰內做麵包，變咗好靚嘅 #紫色藍莓麵包啊，出爐後配埋買咗幾年都未用過嘅紫色心心杯，it’s a good morning!

 

這個麵包弟弟同我都每朝各食一個☺️

食到生果又食到麵包!

 

#食得健康啲開心啲

#海馬媽媽 #麵包食譜 #藍莓 

#下次買啲珍寶藍莓試試先

 

 

材料

（麵包材料）

無鹽牛油 22g

糖 20g

鹽 2g

酵母 3g

高筋麵粉 230g（+/- 10g 視乎麵粉牌子）

藍莓醬 65g

水 110g

 

（藍莓醬）

藍莓 1盒

糖 15g

檸檬汁 5滴

粟粉 1匙

鹽 1g

 

做法

1.先做藍莓醬

藍莓放乾身鑊用中火煮至半溶，加入檸檬汁、糖、鹽再煮多4-5分鐘，最後加入（用少少水開溶咗嘅粟粉），見到藍莓醬變得厚身就可熄火

 

2.將麵包材料放麵包機內用「麵糰」mode搓好發酵約1小時

 

3.將麵糰取出，分9份後將波波搓圓，將收口位收在包底

4.放在牛油紙上整齊排列（每行3個、共排3行），每個麵糰之間留有約2cm的空間，蓋上保鮮紙發酵約1小時

5.在發酵後的麵糰上灑少許高筋麵粉

6.預熱焗爐，以180度焗12-14分鐘即可

 

進食時可放上藍莓醬在中間更加美味！

 

BB就只食麵包~ （11個月起可試食）

 

#以上分享都係個人照顧BB記錄

#每個BB嘅加固方法和進度都有唔同

#純粹作參考 #海馬弟弟 #加固日記 #11m

#肥嘟嘟 #開心寶寶 #二寶媽媽 #加固記錄

海馬弟弟加固食譜 - 紅蘿蔔蔬菜高湯

 弟弟話：疫情嚴重⋯留家食嘢最好! 最近試過紅蘿蔔都冇敏感，就加入去 #蔬菜高湯 入邊做其中一個主要成員，高湯可以用來煮各種不同營養食材，而且製作嘅時候唔需要加入任何調味，已經散發天然嘅甜味，最啱比寶寶加固用！

#紅蘿蔔蔬菜高湯

紅蘿蔔一條、蘋果一個、洋蔥半個、薯仔一個、蕃茄兩個

紅蘿蔔
含豐富嘅營養素，能促進長度蠕動、幫助消化、預防便秘

洋蔥
含有多種維生素、礦物質等營養，可增強免疫力

加埋蘋果令高湯味道更鮮甜

弟弟每次用呢個高湯來去煲粥或者加入米糊都食得又快又開心！

未用嘅高湯，放涼之後可以倒入去冰盒，變成冰磚，一個禮拜內可以用～

#弟弟加固記錄
#以上分享都係個人照顧BB記錄
#每個BB嘅加固方法和進度都有唔同
#純粹作參考 #海馬弟弟 #加固日記 #9m
#肥嘟嘟 #開心寶寶 #二寶媽媽 #加固記錄

 加固記錄 加固小食 - 香蕉班戟

最近呢隻肥寶寶⋯⋯仍然係好食得！除咗午、晚餐食粥仔，另外就係每餐之間比小食，最近好鍾意整 #香蕉pancake，又香甜有易整！次次都食晒，真係永冇食淨野! 

 

#香蕉班戟 做法

 

香蕉 半隻

奶粉 1匙

低筋麵粉 1湯匙

蛋黃 1個

 

1.將香蕉用叉壓成蓉

2.加入奶粉、低筋麵粉及蛋黃攪拌均勻

3.中火放一匙羹香蕉糊於平底鑊中

4.見起泡泡後即可反至另一面煎約10-12秒

 

今次拍埋片俾大家~支持下～

 

#以上分享都係個人照顧BB記錄

#每個BB嘅加固方法和進度都有唔同

#純粹作參考 #海馬弟弟 #加固日記 #10m

#肥嘟嘟 #開心寶寶 #二寶媽媽 #加固記錄

 #開刀生產 #護理分享 剖腹產用嘅電動膠布

媽媽我兩胎都係剖腹產生海馬仔同海馬弟弟，產後幾個月傷口先至完全復原。平時小傷口都要1-2星期先完全好返，剖腹產嘅傷口有大約兩隻手指嘅長度，而且又深（媽媽在剖腹過程需切開七層肚皮），絕對唔係小傷口，開頭果幾日都真係幾痛，要食止痛藥先至冇咁痛，而落床餵奶嘅時候更加要帶住束腹帶，以防傷口有大大嘅拉扯，真係郁一郁都痛入心！

 

開刀後果幾個月嘅護理都好緊要！
1.避免食生肉芽嘅食物（好似生魚、花膠）
2.避免食刺激食物（例如辣、牛肉、蝦）
3.定時清潔傷口四周
4.減少痞低起身嘅動作

除咗飲食活動方面要留意之外，原來而家有款電動膠布，可以阻隔外界污染，可以大大減低疤痕腫痛、起肉芽既機會！

 

電動膠布(Prevena Therapy)是什麼?
佢係全球首款獲 FDA 認證的醫療級傷口護理儀器，由醫護人員幫產婦在剖腹生產後使用於傷口上，其實亦可以用於各類型的手術後護理！

 

電動膠布以 125mmHg 負壓技術提供穩定壓力，有如吸塵機般拍實及固定傷口，有助減痛
媽媽在剖腹後照顧BB時有機會郁動到傷口而造成痛楚，因為始終都係切開七層肚皮先至可以讓BB出世，所以傷口都好深都好需要時間去癒合！

 

電動膠布為傷口提供密封環境，令傷口乾爽。同時敷料亦有銀離子塗層幫助殺菌，唔怕因為不善於處理傷口，而令到傷口及附近嘅皮膚發炎、紅腫等等⋯

因為能夠固定傷口，對於日後傷口癒合有大大幫助，也可減低疤痕！

湊BB係樂事，所以能夠減輕疤痕帶嚟嘅痛楚，真係幫到唔少媽媽，可以享受每一刻與BB嘅開心時光！

 

#開刀生產 #護理分享 #好快弟弟就1歲了

消毒清潔二合一 - 純天然植物消毒清潔液介紹

做咗2寶媽咪，每分鐘都要好好利用！ 所以每當一個小寶寶返學，另一個小寶寶瞓晏覺，就係處理個人事務、清潔整理屋企好時候‼️

照顧小朋友最重要多清潔，無論屋企地方、玩具要好好清潔！好多時病源就係消毒殺菌做得唔夠多、唔夠密！尤其是而家弟弟仲係BB，好多嘢都會好想放入口，所以最好選不含酒精，一個唔覺意佢放入口就大件事！

 

好多朋友問有無咩心得選用產品？ 
我就會揀啲可以消毒加清潔二合一又天然嘅產品，咁就可以保護到小朋友得來又可以同時消毒細菌，一舉兩得！

 

SmellGREEN® 純天然消毒液由植物提取物和精華油製成，是一種 #植物性消毒及清潔液，能消滅細菌、結核菌、真菌和病毒！

✅有效消滅 99.99% 細菌及病毒
✅無毒、無腐蝕性
✅不會在物件表面或皮膚留下顏色
✅符合嚴格食品安全要求
✅對小孩﹑寵物及環境非常安全

經測試
#1分鐘消滅病毒
包括流感病毒 / 冠狀病毒（例如SARS-CoV-2） 
#2分鐘消滅細菌
#3分鐘消滅真菌

SmellGREEN獨特配方不會傷害皮膚而且亦可以直接將消毒液噴灑在污漬上，然後抹淨或自然風乾, 佢嘅噴嘴噴出來嘅噴霧好細，唔會一下噴到濕晒，好快乾！

因為天然成分，好多不同表面都可以用到
- 雙手, 噴衫
- 門、門柄、櫃檯、廚房和兒童玩具
- 清除牆身、天花、物件表面的霉菌
- 沙發、桌椅、垃圾桶、電話等等

 

病毒可能會依附在唔同物件上，經接觸再觸摸口鼻感染到，所以勤消毒唔好鬆懈真係好重要！

這支SmellGREEN價錢仲幾優惠，一支價錢做到清潔和消毒，CP值夠高！

 

係 GreenSTORE 購買 SmellGREEN，結帳時輸入 [ SEABB10 ] 仲有9折‼️

https://greenstore.hk/zh-tw/products/smellgreen-natural-disinfectant-spray

如果覺得好用，仲可以推薦俾你哋嘅朋友可以領取到額外嘅 Discount ，下次購物時可享$50優惠! 

好友分享 ‧ 激賺獎賞計劃: https://bit.ly/3mhBHPz

 

#greenstore #消毒 #殺菌 #天然
#SmellGREEN #NaturalDisinfectant #Sanitizer #SuitableForKidsAndPets #Biodegradable #Thymol #USEPARegistratedIngredient #CanadaProdcut #MouldRemoval #NonToxic #NonIrritating #AntiEpidemicItems #GoGreen #JohnsonGroup #GreenSTORE #天然消毒液 #純天然 #搓手液 #小孩寵物適用 #可生物降解 #百里酚 #美國EPA註冊成份 #加拿大產品 #除霉 #無毒 #無刺激性 #抗疫用品 #莊臣集團