海馬仔成長日記

2021年9月22日星期三

[加固分享] 這個註定係吃貨寶寶!

見海馬弟弟滿5個月啦，而且佢對食嘅興趣可以話有增無減，餐餐未夠鐘就叫定先，所以媽媽我都開始幫佢加固啦!

加固準備啲咩?

1.加固用品（專屬嘅碗、匙）

弟弟都係屬於初生BB，所以都唔可以用大人或哥哥嘅餐具，以免沾上大人食物或油膩東西

匙羹我就買咗2個size，都是矽膠，

✅可以放消毒機 ✅比較軟身 ✅可以彎曲

開始時我就先用細size嘅匙羹

因為弟弟都會細啖細啖學食糊

佢哋都要慢慢學懂如何張開嘴巴、吞嚥食物

2.加固坐嘅椅

我首推Combi 多功能坐椅!

也由於弟弟未坐得直，所以我都是用搖搖椅推高2格（但都係少少向後傾斜）試餵糊仔

當佢有少少不耐煩、坐唔定，我就會搖搖張椅，安撫佢一陣再餵

3.防水口水肩

初初學試食都會比較污糟（其實之後會更污糟），所以防水膠口水肩是必須準備的，餐後清潔也方便好多！

4.處理弟弟食物嘅專屬廚具

同樣道理，以免大人食物與BB食品出現細菌傳播，所以處理BB食材都必須用自家專屬嘅刀、砧板和食物處理器，用後都必須徹底消毒

點開始加固？

帶個頭盔先! 個個BB嘅加固方法和進度都有啲唔同，所以我都係分享和記錄吓弟弟嘅加固情況!

弟弟好叻, 吃貨寶寶試食糊仔一日，第二日已吞嚥能力大有進步，仲追食，食完一啖就嘈要食下一啖. 哥哥唔係唔叻，佢就比較唔喜歡食嘢，唔會追食而且學幾日先食到一大碗！開始食糊仔後留口水嘅情況都減少了！

糊仔 —》我就以奶米糊來開頭試加固

因為有奶响入面，而且準備夠方便又快捷，加水攪勻即可，到佢適應咗比較杰身嘅米糊，就諗住開始試粥仔

依家頭一星期，每日中午時間食米糊，每日無特別不良反應就加多份量及杰度～食完糊仔暫時都未代替到一餐，所以食完糊仔後都會加飲奶（但分量就減少2oz)

下星期再分享~

#海馬弟弟 #加固日記 #5m

#肥嘟嘟 #開心寶寶 #二寶媽媽

————————————

喜歡我哋嘅分享，請Like Facebook 海馬仔成長日記 │ 亦歡迎大家電郵聯絡我們試用產品或出席活動~

=====海馬仔Channel=====

2021年9月22日星期三