[尖沙咀] 利寶閣龍躉、百日澳洲牛任食餐
放題食得多，純中菜放題反而一直未試過! 其實舊年都有試過利寶閣嘅大閘蟹片皮鴨放題，真係唔錯㗎！
利寶閣最近推出左全新龍躉、百日澳洲牛任食餐， 有海鮮有佛跳牆仲有片皮鴨，行開The one就決定去試下，食中菜有個好處就係環境闊落，冇咁大壓迫咁，放工之後可以舒舒服服咁樣享受一餐晚飯!
今次利寶閣6月全新晚市放題好多都係圍繞海鮮為主，海鮮迷嘅我梗係要試。
因為二人同行，一上台就先送咗個頂級爆膏奄仔蟹同一人一盅佛跳牆，奄仔蟹做得好入味，蟹膏同埋蟹肉鹽焗嘅鮮味，令人食到唔想停！佛跳牆燉得好夠火候，食得出無乜落味精 ，除咗有佛跳牆嘅一啲基本湯料之外，仲有一包鮑魚仔送 ，有驚喜！
龍躉四食個煮法都幾特別，除咗有炸得好脆口嘅香酥炸頭腩，比較欣賞嘅係古法紅棗蒸頭腩，有充滿魚既骨膠原健康米水浸斑片，仲有呢排勁受歡迎嘅麻香酸菜斑片！真係你想要咩口味都有
輪到戲肉環節，豉油王乾煎大虎蝦，青胡椒白酒煮海蝦，醉翁海蝦同鹹香金沙蝦，呢幾個個都係必點同埋回本之選，放題嘅價錢可以食得酒樓出大師傅既功力！
不得不提就係堂煎百日澳洲草飼小牛牛板脊，堂煎真係香港中菜嘅一大特色，仲記得細個嘅時候去飲茶，一定會圍住堂煎嘅area望住口水流，然後就興興奮奮咁樣拎返枱一齊食而家人大咗，唔使出去拎返嚟食，好方便寫紙落單就得，呢度嘅staff會新鮮煎好再拎黎，上枱時勁香呀！
另外仲有兩樣係必點之選，北海道元貝櫻花蝦蒸蛋，滑嘟嘟，好好食, 而蒜蓉粉絲蒸元貝，滿滿嘅粉絲加上蒜蓉可以食得出元貝既鮮味，Encore左兩次!
片皮鴨係呢度嘅必食，雖然冇喺自己面前切片，但係切出嚟都真係皮脆肉嫩，最緊要嘅係塊皮，煙煙韌韌，回味無窮！
雖然係中式放題，唔係只係得汽水同埋茶㗎！仲有啲韓式飲！最後仲食埋楊枝甘露，真係一大滿足！
如果有時幾個人食中菜唔知食咩好，又想食多啲唔同嘅嘢，真係可以考慮黎利寶閣食中式放題，可以滿足咪勁多慾望！
係Togetda訂有特別優惠: https://bit.ly/33DYURG
#利寶閣 #精緻粵菜放題 #晚市放題 #任食夏日清爽海鮮 #堂煎草飼百日澳洲牛 #海鮮小炒
沒有留言:
張貼留言