話題拉麵: 牡蠣鹽味拉麵 和 鮮蠔小食
之前食過由日本來港嘅米芝蓮一星拉麵店金色不如帰，知道佢在銅鑼灣開姊妹分店「牡蠣不如歸」，當然約埋老公去試試啦！ 分店在銅鑼灣Fashion Walk，大排長龍！ 最好就係午市/晚市早啲嘅時間來等候就會快啲有位！
分店特別在提供以牡蠣為主角嘅「牡蠣鹽味拉麵」和一系列「鮮蠔小食」，只係銅鑼灣店限定呢！
牡蠣都可以做拉麵？我哋當然要試試這個話題拉麵和小食啦！
落order後拉麵好快送到！ 拉麵由米芝蓮星級廚師山本敦之Atsushi Yamamoto親身研製，用上數十斤鮮蠔以慢煮方式烹調出秘製「牡蠣黃金湯」，再配上自家蠔醬、低溫叉燒、大量蔬菜包括火箭菜、紫洋蔥、蕃茜、京蔥！ 這個配搭幾新鮮，這個蠔湯底對比平時飲開嘅豬骨湯底，多一層鮮味，入口會慢慢滲出蠔味，但又唔會好膩！ 拉麵一貫高水準，質地彈牙，強調建議要一啖不留！
另外都有豬骨湯底嘅白豚肉拉麵
另外，餐單上有多款鮮蠔小食，都好特別而且上菜時好似藝術品!
牡蠣野菜天婦羅
必點！ 因為這個蠔天婦羅，天婦羅又薄又脆，包裹著嫩滑鮮蠔，口感一流，蠔味濃郁！ 另外嘅野菜天婦羅有茄子、粟米、青椒！第一次食粟米和青椒天婦羅，出奇地好惹味、不錯！
菇燒牡蠣串
一客2串，每串以直菇、鮮嫩紫蘇葉、風乾火腿包住鮮蠔，再淋上燒汁，本身蠔、風乾火腿和燒汁比較濃味，但卷著紫蘇葉又平衝返！ 好味!
飲品有啤酒和特色汽水/焙茶
食完拉麵、小食，我建議飲「白桃焙茶」，平衡返食完蠔刺激嘅味蕾
今晚食咗令人好滿意嘅拉麵! 好滿足!
牡蠣不如歸
香港銅鑼灣Fasion Walk 百德新街57號地下A號鋪
沒有留言:
張貼留言